Экскурсия бўйича асосий жойлар:

• Пьяцца Дуомо — Санта Мария дель Фьоре базиликаси, Джотто минораси ва баптистерий

• Пьяцца Синьория — Палаццо Веккьо (Эски сарой) ва Лоджия Ланци

• Понте Веккьо — Эски кўприк

Агар истасангиз ва вақт имкони бўлса, Санта Мария Новелла ва Санта Кроче базиликалари жойлашган майдонларга ҳам ташриф буюриш мумкин.

Флоренция — бутун дунёдан гўзаллик ихлосмандларини ўзига чорловчи шаҳар, санъат пойтахти ва Ренессанс бешиги.

Шаҳар билан биринчи танишув учун пиёда экскурсия энг яхши вариант ҳисобланади. Сиз шаҳар ҳақида илк таассуротга эга бўласиз, унинг руҳини ҳис этасиз, кайфиятига мослашасиз, қандай йўналишда ҳаракат қилишни англаб, энг асосий диққатга сазовор жойларни кўрасиз.

Флоренция тарихи қадим даврларга бориб тақалади. Бу ерда милоддан аввалги X асрда одамлар яшай бошлаган. Расмий равишда эса шаҳар тарихи милоддан аввалги 59 йилдан бошланади — айнан шу йили римликлар Арно дарёси бўйидаги қадимий этруск шаҳарчаси ўрнида ўз шаҳарларини барпо этиб, Florentia — “гуллаб-яшнаётган” деб номлашган.

Гид ҳамроҳлигида Флоренция бўйлаб сайр қилиб, шаҳарнинг шаклланиши ва ривожланиши тарихини, унинг маданий, иқтисодий ва сиёсий марказга айланишига ҳисса қўшган кучли оилалар ҳақида билиб оласиз. Сиз шундай кўчаларда юрасизки, бир замонлар бу ерда дунёга машҳур ёзувчилар, рассомлар, ҳайкалтарошлар ва меъморлар юрган, ва айнан улар туфайли Флоренция Ренессанс бешигига айланган.

Сайр маршрутидаги асосий нуқталар:

• Санта Мария дель Фьоре — шаҳарнинг маънавий маркази ҳисобланган майдон. Уни қизил гумбази ва лилия гули билан Флоренциянинг рамзи дейишади.

• Джотто минораси ва баптистерий — унинг учта эшиги орасида «Жаннат эшиги» деб номлангани алоҳида эътиборга сазовор. Микеланджело буни “Жаннатга кириш учун эшик” деб атаган.

• Пьяцца делла Репубблика — қадимда рим форуми бўлган жой.

• Пьяцца делла Синьория — Ренессанс даврида қурилган очиқ осмон остидаги “шахар салони”.

• Палаццо Веккьо — Флоренция ҳукумати учун қурилган. Олдидаги майдонда Микеланджело Давид ҳайкалининг нусхаси ва Лоджия Ланци — очиқ осмон остидаги ҳайкаллар галереяси жойлашган. Бу ерда Бенвенуто Челлинининг “Персей ва Медуза” ҳайкали бор.

• Палаццо Медичи, Палаццо Строцци, Дантенинг уйи каби ашроф оилаларнинг саройлари ва машҳур черковлар

• Орсанмикеле черкови — деворларида нишаларда муқаддасларнинг ҳайкаллари бор

• Санта Кроче черкови — бу ерда Микеланджело Буонарроти дафн этилган

Сайр давомида:

• Уффици галереяси ҳовлисига кирамиз

• Понте Веккьо — «Олтин кўприк»да юрамиз: бу ерда ҳанузгича заргарлик дўконлари сақланган

Экскурсия тугаб қолишидан аввал биз яна бир урф-одатни адо этамиз: янги бозор ёнидаги бронза қабанча — Porcellino ҳайкали бурнини силаб, ният тилаймиз — бу Флоренциядаги омадни чақириш анъанасидир.